الاكتئاب.. جرس إنذار يحتاج إلى انتباهك.
الاكتئاب.. جرس إنذار يحتاج إلى انتباهك.
كتبت الأخصائية النفسية:ياسمين علي
الاكتئاب مش مجرد زعل أو حالة ملل، لكنه حالة نفسية حقيقية ممكن تصيب أي شخص في أي وقت. الوعي بيه مهم جدًا علشان نقدر نساعد نفسنا أو نساعد اللي حوالينا.
إزاي نعرف إن في اكتئاب؟
لو لقيت نفسك أو حد قريب منك بيعاني من:
حزن مستمر أو إحساس بالفراغ.
فقدان الرغبة في الأنشطة اللي كانت بتسعده.
نوم قليل جدًا أو ساعات نوم طويلة بلا راحة.
فقدان أو زيادة في الشهية بشكل ملحوظ.
صعوبة في التركيز أو اتخاذ القرارات.
أفكار سلبية متكررة أو إحساس بعدم القيمة.
يبقى لازم ناخد بالنا إن دي علامات محتاجة تدخل ودعم.
ليه بيحصل الاكتئاب؟
ضغوط الحياة اليومية أو الصدمات.
عوامل وراثية أو تغييرات كيميائية في المخ.
غياب الدعم الاجتماعي أو الشعور بالعزلة.
إيه الحل؟
اطلب المساعدة: الكلام مع شخص تثق فيه أو متخصص بيخفف الحمل النفسي.
العلاج النفسي أو الدوائي: بيتم تحت إشراف الأطباء والمتخصصين.
العادات الصحية: رياضة خفيفة، أكل متوازن، ونوم منتظم بيفرقوا جدًا.
كسر الصمت: الاكتئاب مش عيب، والبحث عن علاج مش ضعف.
رسالة مهمة
الاكتئاب مرض زي أي مرض جسدي، والتعامل معاه بوعي ورعاية بيضمن فرص أفضل للتعافي. لو حسيت إنك مش قادر تكمل لوحدك، اتواصل مع مختص.. المساعدة موجودة، وأنت تستحق حياة أفضل.
تغطية موقع جريدة الوطن اليوم الدولي.
