جريدة الوطن الدولي.. تعرف على اضرار الزيت المستعمل
كان نفسي اعرف الناس اللى بتشترى الزيت المستعمل بسعر يصل ل12ج بتعمل بيه ايه واخيرا عرفت
الناس دى بتشترى من حضرتك الزيت وبتبيعو ب45ج للمطاعم وب50ج لحضرتك تانى بعد إعادة التدوير
طب إعادة التدوير دى بتتم ازاى !!!
اقولك انا
كل 20 كيلو زيت بيتعملهم خلطه ب كيلو نشأ على كيلو مياه بارده وبيدوبو النشا فى المياه كويس جدا ثم تضاف إلى الزيت المستعمل ويترفع على نار هاديه جدا
مهما كان الزيت اسود او فى رواسب أو زيت لحوم أو زيت سمك أو زيت مقلي فيه هتلاقي النشا سحبت كل الكلام ده
وتكتلت معاك فى قعر الحله
بيتم تصفية الزيت بمصفاه وبيرجع لونه اصفر صافي احسن مما كان عليه
ويرجع تانى لحضرتك على صورة زيت نقي فاتح وعمرك ما هتقدر تعرف أنه مستعمل قبل كده غير بالتحليل
هل بقا الطريقه دى صحيه ؟
لو حكمت عقلك وبحثت هتعرف أنه مضر جدا جدا جدا
الكيلو ولا ال2 كيلو زيت اللى حضرتك بتبيعهم فى الشهر بيكونو سبب فى اذي لناس كتير تانيه
حضرتك ممكن تكون بتشترى زيت عافيه أو سلايت أو الأنواع النضيفه دى لكن فى ناس غلابه متقدرش على سعر
الأنواع دى وبتشترى من الزيت السايب اللى كنا لسه بنحكى عليه
وعلى فكره أغلب مطاعم الفول والطعميه والمطاعم عموما بتستخدم زيت مجهول معبأ فى جراكن قذرة صفراء او سوداء لرخص سعره واللى هو طبعا معمول ليه إعادة التدوير
اللهم بلغت اللهم فاشهد
المصدر: موقع جريدةالوطن الدولي… خلو بالكم بقا
جريدة الوطن اليوم الدولي
